«Barys» hokkeıshileri búgin Reseıdiń TsSKA komandasymen kezdesedi

  Qazaqstandyq «Barys» komandasy Qurlyqtyq hokkeı lıgasyndaǵy kezekti oıynyn Reseıde TsSKA (Máskeý) komandasyna qarsy ótkizedi, dep habarlaıdy QazAqparat tilshisi.

Kezdesý búgin, 2 qazanda 22:30-da bastalady.

Eki komanda buǵan deıin 29 márte kezdesti. Onyń 10-y elordalyq klýbtyń basymdyǵymen aıaqtalsa, qalǵanynda reseılik komanda jeńiske jetti.

Týrnır kestesinde «Barys» 13 oıynnan keıin 10 upaımen 20-orynda tursa, TsSKA 13 oıynnan keıin 13 upaımen 13-orynǵa ornalasty.

Aıta keteıik, elordalyq klýb bıylǵy maýsymdy sátsiz ótkizip keledi. Sońǵy on oıynnyń nebári úsheýinde jeńiske jetti.

«Barys» budan keıin 6 qazanda «Vıtıaz» (Podolsk) klýbymen sheberlik baıqasady.

Eske salsaq, budan buryn shaıbaly hokkeıden Qazaqstan ulttyq quramasyna bas bapker taǵaıyndaldy.