«Barys» hokkeıshileri búgin elordada «Sıbırmen» kezdesedi

Qazaqstandyq «Barys» komandasy Qurlyqtyq hokkeı lıgasyndaǵy kezekti oıynyn elordada Reseıdiń «Sıbır» (Novosibir) komandasyna qarsy ótkizedi, dep habarlaıdy QazAqparat tilshisi.

Kezdesý búgin, 30 qyrkúıekte 18:00-de bastalady.

Eki komanda buǵan deıin 52 márte kezdesti. Onyń 23-i elordalyq klýbtyń basymdyǵymen aıaqtalsa, qalǵanynda reseılik komanda jeńiske jetti.

Qos komanda bıylǵy maýsymda úsh márte kezdesip úlgerdi. Olardyń barlyǵynda reseılik klýbtyń mereıi ústem boldy.

Týrnır kestesinde «Barys» 11 oıynnan keıin 10 upaımen 19-orynda tursa, «Sıbır» 13 upaımen 10-orynǵa ornalasty. 

Aıta keteıik, elordalyq klýb bıylǵy maýsymdy sátsiz ótkizip keledi. Sońǵy on oıynnyń nebári úsheýinde jeńiske jetti.

«Barys» budan keıin úsh kezdesýin syrtta ótkizedi. Aldymen, 2 qazanda Belarýste «Dınamo» (Mınsk) komandasymen kezdesse, odan keıin Reseıde TsSKA (Máskeý), «Vıtıaz» (Podolsk) klýbtarymen sheberlik baıqasady.