«Barys» hokkeıshileri búgin Belarýstiń «Dınamo» komandasymen kezdesedi

Qazaqstandyq «Barys» komandasy Qurlyqtyq hokkeı lıgasyndaǵy kezekti oıynyn elordada Belarýstiń «Dınamo» (Mınsk) komandasyna qarsy ótkizedi, dep habarlaıdy QazAqparat tilshisi. 

Kezdesý búgin, 2 qazanda 22:10-de bastalady.

Eki komanda buǵan deıin 29 márte kezdesti. Onyń 15-i elordalyq klýbtyń basymdyǵymen aıaqtalsa, qalǵanynda reseılik komanda jeńiske jetti.

Týrnır kestesinde «Barys» 12 oıynnan keıin 10 upaımen 20-orynda tursa, «Dınamo» 11 oıynnan keıin 10 upaımen 19-orynǵa ornalasty.

Aıta keteıik, elordalyq klýb bıylǵy maýsymdy sátsiz ótkizip keledi. Sońǵy on oıynnyń nebári úsheýinde jeńiske jetti.

«Barys» budan keıin eki kezdesýin syrtta ótkizedi. Aldymen Reseıde 4 qazanda TsSKA (Máskeý) komandasymen kezdesse, 6 qazanda «Vıtıaz» (Podolsk) klýbymen sheberlik baıqasady.

Eske salsaq, budan buryn «Barys» elordada «Sıbır» komandasynan jeńilip qaldy.

Elordalyq klýbtyń bas bapkeri Andreı Skabelka aldaǵy úsh oıynǵa qatysatyn hokkeıshiler tizimin jarııalady.

Qaqpashylar: Nıkıta Boıarkın, Danııl Kýdımov, Andreı Shýtov.

Qorǵaýshylar: Ádil Beketaev, Tamırlan Gaıtamırov, Samat Danııar, Nelson Noje, Kırıll Nıkıtın, Emıl Nurǵalıev, Kırıll Polohov, Davıd Sklenıchka, Egor Shalapov.

Shabýylshylar: Álıhan Ásetov, Raılı Barber, Aleksandr Borısevıch, Dinmuhamed Qaıyrjan, Djozef LaBeıt, Vsevolod Logvın, Batyrlan Muratov, Maksım Mýsorov, Álıhan Ómirbekov, Pontýs Oberg, Mıhaıl Rahmanov, Kırıll Savıtskıı, Rýdolf Chervenı, Ańsar Shaıhmeddenov, Arkadıı Shestakov.