«Barys» hokkeı komandasy quramyna sheteldik oıynshylar qosyldy
ASTANA. KAZINFORM - Elordalyq «Barys» hokkeı komandasy quramyna sheteldik oıynshylar qosyldy.
Endi AQSh hokkeıshisi Ien Makkoshen aldaǵy maýsymda elordalyq «Barys» komandasynyń namysyn qorǵaıdy. Birjaqty kelisimshart 2026 jylǵy 31 mamyrǵa deıin jaramdy, ol bir maýsymǵa eseptelgen.
2013 jyly «Florıda Panterz» klýby draftta tańdaǵan Makkoshen kásibı mansabynyń basym bóligin Soltústik Amerıkada ótkizdi. Ol Ulttyq hokkeı lıgasynda 60, AHL-de 244 oıynǵa qatysty.
Qurlyqtyq hokkeı lıgasyndaǵy alǵashqy maýsymyn Ien 2024/2025 jyldary ótkizdi. «Kýnlýn Red Star» sapynda 61 matchqa qatysyp, 4 shaıba soqty jáne 11 nátıjeli pas berdi.
Sondaı-aq «Barys» hokkeı klýby kanadalyq qaqpashy Olıve Rodrıgpen birjaqty kelisimshart jasasty. Kelisim bir maýsymǵa eseptelip, 2026 jylǵy 31 mamyrǵa deıin kúshinde bolady.
25 jastaǵy Rodrıg «Edmonton Oılerz» júıesinen keldi. Bul klýb ony 2018 jylǵy draftta tańdaǵan. Ótken maýsymda Olıve UHL-de alǵash ret muz aıdynyna shyǵyp, sondaı-aq AHL-daǵy «Beıkersfıld Kondors» sapynda 41 oıyn ótkizdi.
Aıta ketsek, budan buryn reseılik shabýylshy Emıl Galımov «Barys» sapyna qosyldy.
Sondaı-aq elordalyq qazaqstandyq Kırıllom Panıýkov, Kırıllom Savıtskıı, Batyrlan Muratov, reseılik qorǵaýshy ıÝrıı Paýtov jáne shabýylshy Vladımır Volkovpen kelisimge keldi.
Al qazaqstandyq hokkeıshi Roman Starchenko «Barys» hokkeı klýby sapynda taǵy bir jyl oıyn kórsetedi.
Eske salsaq, bıyl «Barys» hokkeı klýbynyń tizginin Mıhaıl Kravets ustady.