«Barys» hokkeı klýbynyń «Severstalmen» matchy Cherepovetste ótedi

Búgin, 3 jeltoqsanda Reseıdiń Cherepovets qalasynda Qurlyqtyq hokkeı lıgasynyń (QHL) turaqty chempıonat matchynda «Severstal» ujymy óz alańynda qazaqstandyq «Barysty» qabyldaıdy. Kazinform bul týraly Sports.kz saıtyna silteme jasap habarlaıdy.

37 oıynnan keıin «Barys» qorjynynda 29 upaı bolsa, «Severstal» 36 oıynda 37 upaı jınaǵan. «Barys» turaqty birinshiliktiń keıingi oıynynda óz alańynda lıga kóshbasshysy — Magnıtogorskiniń «Metallýrgin» tas-talqan etti (5:2). Al «Severstal» syrt alańda Novosibirdiń «Sıbır» komandasyn 2:1 esebimen jeńdi.

«Severstalmen» oıynnan keıin «Barys» syrt alańdaǵy serııalar aıasynda taǵy tórt match ótkizedi. Ol «Avangard», «Sıbır», «Salavat ıÝlaev» jáne «Neftehımıkpen» oınap, kim myqtyny anyqtaıdy.

Buǵan deıin «Barys» aldaǵy úsh matchqa oıynshylar tizimin bekitkenin jazǵan bolatynbyz.