«Barys» elordada «Vıtıaz» komandasyna ese jiberdi
Qazaqstandyq «Barys» komandasy Qurlyqtyq hokkeı lıgasyndaǵy kezekti oıynyn elordada Reseıdiń «Vıtıaz» (Podolsk) komandasyna qarsy ótkizdi, dep habarlaıdy Kazinform.
Eki komanda da bıylǵy týrnırdi óte sátsiz ótkizip keledi. Elordalyq komanda 22-orynda tursa, «Vıtıaz» 21-orynǵa ornalasqan.
Jankúıerler búgingi kezdesýde qazaqstandyq komanda jeńiske jetedi degen úmitte bolǵan edi. Alǵashqy mınýttarda «Barystyń» basymdyǵy baıqaldy.
Nátıjesinde 1-mınýtta Kırıll Savıtskıı «Barysty» alǵa shyǵardy.
Odan reseılik komanda qatarynan bes shaıba soǵyp ketti. Bul goldardy Ivan Savchık 3, Derek Barak 10, Aleksandr Darın 26, Skott Ýılson 46, Aleksandr ıAremchýk 47-mınýtta ózderiniń enshisine jazdy.
Oıynnyń 58-mınýtynda qazaqstandyq Arkadıı Shestakov qorytyndy esepti belgiledi.
Osylaısha «Barys» qarsylasynan 2:5 esebimen ese jiberdi.
Endi «Barys» aldaǵy oıynyn 30 qarashada elordada Reseıdiń «Metallýrg» (Magnıtogorsk) komandasyna qarsy ótkizedi.
Eske salsaq, budan buryn «Barys» overtaımda «Neftehımıkten» basym tústi.
