«Barys» elordada TsSKA komandasyna ese jiberdi
ASTANA. KAZINFORM — Qazaqstandyq «Barys» komandasy Qurlyqtyq hokkeı lıgasyndaǵy kezekti oıynyn elordada Reseıdiń TsSKA (Máskeý) komandasyna qarsy ótkizdi.
Kezdesý barysynda reseılik komanda belsendi qımyl kórsetti. Nátıjesinde olardyń qatarynan 3-mınýtta Vıtalıı Abramov mergendik tanytty.
Oıynnyń 23-mınýtynda elordalyq klýbtan Arkadıı Shestakov tarazy basyn teńestirdi.
Al 26-mınýtta Maksım Mamın qaıtadan TsSKA komandasyn alǵa shyǵarsa, «Barys» sapynan Danııl Apalkov 39-mınýtta soqqan golynan keıin qaıtadan tarazy basy teńesti.
Odan keıin reseılik klýbtan Konstantın Okýlov 42, 52, Andreı Svetlakov 44-mınýtta basymdyqty arttyra tústi.
Osylaısha «Barys» qarsylasyna 2:5 esebimen ese jiberdi.
Endi «Barys» aldaǵy oıynynda elordada 22 qańtarda «Avtomobılıst» (Ekaterınbýrg) klýbymen sheberlik baıqasady.
Aıta ketsek, «Sıbır» komandasyna Qurlyqty hokkeı lıgasynyń legıonerlerge qatysty tártibin buzǵany úshin qarjylyq aıyppul jáne tórt oıyn tehnıkalyq jeńilis berilgen edi.
«Barys» «Sıbırge» oıyn sońyndaǵy býllıtter serııasynda ese jiberip, bir upaıǵa ıe bolǵan.
Sondyqtan elordalyq komanda enshisine qosymsha eki upaı jazyldy.
Eske salsaq, budan buryn «Barys» býllıtte «Salavat ıÝlaevty» jeńip ketken edi.
