«Barys» elordada «Cıbırge» jeńilip qaldy

ASTANA. KAZINFORM — Qazaqstandyq «Barys» komandasy búgin, ıaǵnı 26 jeltoqsanda Qurlyqtyq hokkeı lıgasyndaǵy kezekti oıynyn elordada Reseıdiń «Sıbır» (Novosibir) komandasyna qarsy ótkizdi.

Elordalyq komanda bıyl sátsiz oıyn kórsetip keledi. Týrnır kestesinde nebári 22-oryndy mise tutyp turǵan «Barystyń» ázirge jaǵdaıy ońalatyn túri joq. Qazirge deıin on eki oıynnyń nebári bireýinde jeńske jetse, qalǵanynda qarsylastaryna ese jiberip qoıdy. 

Bıylǵy maýsymda «Sıbır» de jankúıer kóńilinen shyǵa almaı keledi. Reseılik klýb úshin de pleı-off satysyna shyǵý qıyndap barady.

Kezdesý barysynda komandalar alǵashqy eki kezeńde esep asha alǵan joq. Ekeýiniń tarapynan da gol soǵatyn múmkindikter bolǵan edi. Degenmen bul múmkindikten múlt ketip jatty.

Úshinshi kezeńniń alǵashqy mınýttarynda qazaqstandyq komandanyń basymdyǵy baıqalyp turdy. Dese de oıyn sońyna taman reseılik klýb qatarynan eki shaıba soǵyp ketti. Ony Sergeı Shırokov 53, Kırıll Rasskazov 56-mınýtta óziniń enshisine jazdy.

Osylaısha elordalyq klýb qarsylasyna 0:2 esebimen ese jiberip, qatarynan tórtinshi márte jeńilip qaldy. 

Endi qazaqstandyq klýb aldaǵy eki oıynyn syrt aıdynda ótkizedi. Aldymen 28 jeltoqsanda Reseıde «Torpedo» (Nıjnıı Novgorod) komandasyna qarsy ótkizse, odan keıin 30 jeltoqsanda «Salavat ıÝlaev» (Ýfa) klýbymen kezdesedi.

Eske salsaq, budan buryn «Barys» elordada «Traktor» (Chelıabi) komandasyna ese jiberdi.