«Barys» elordada «Avtomobılıst» komandasynan jeńilip qaldy

ASTANA. KAZINFORM - Qazaqstandyq «Barys» komandasy búgin Qurlyqtyq hokkeı lıgasyndaǵy kezekti oıynyn elordada «Avtomobılıst» (Ekaterınbýrg) komandasyna qarsy ótkizdi.

Kezdesýdi elordalyq komanda sátti bastaǵan edi. Oıynnyń 1-mınýtynda Arkadıı Shestakov «Barysty» alǵa shyǵardy.

Odan keıin óz qaqpasyna eki gol jiberip aldy. Aldymen «Avtomobılıst» hokkeıshisi Alekseı Makeev 2-mınýtta tarazy basyn teńestirse, 8-mınýtta Maksım Osıpov basymdyqty arttyrdy.

Al 36-mınýtta reseılik hokkeıshi Artem Kashtanov kózdegen nysanadan múlt ketken joq.

Oıynnyń 55-mınýtynda reseılik Aleksandr Sevostıanov qorytyndy esepti belgiledi.

Osylaısha «Barys» qarsylasyna 1:4 esebimen ese jiberdi.

Eki komanda buǵan deıin 60 márte kezdesken. Onyń 27-i elordalyq klýbtyń basymdyǵymen aıaqtalsa, qalǵan oıyndarda reseılik komanda jeńiske jetken.

Aıta ketsek, bıylǵy eki komanda arasyndaǵy tórt kezdesýdiń úsheýinde «Avtomobılıst» jeńiske jetti.

Endi «Barys» aldaǵy eki oıynyn elordada ótkizip, 24 aqpanda Reseıdiń «Lada» (Tolıattı), 26 aqpanda «Sıbır» (Novosibir) komandasyn qabyldaıdy.

Eske salsaq, budan buryn Qurlyqtyq hokkeı lıgasy pleı-off satysyna shyqqan barlyq komanda anyqtaldy.