«Barys» elordada «Ak Bars» komandasymen kezdesedi

ASTANA. KAZINFORM - Qazaqstandyq «Barys» komandasy búgin, 5 qarashada Qurlyqtyq hokkeı lıgasyndaǵy kezekti oıynyn elordada Reseıdiń «Ak Bars» (Qazan) komandasyna qarsy ótkizedi.

Oıyn elorda ýaqytymen 19:30-da bastalyp, «Qazsport» telearnasynan tikeleı efırde kórsetiledi.
Eki komanda buǵan deıin 54 márte kezdesken. Onyń 11-i elordalyq klýbtyń basymdyǵymen aıaqtalsa, qalǵan oıynda reseılik komanda jeńiske jetken.
Keıingi alty kezdesýdiń barlyǵynda qazaqstandyq klýb atalǵan qarsylasyna ese jiberdi.
Endi qazaqstandyq komanda budan keıingi bir oıynyn elordada ótkizedi. 7 qarasha kúni «Avtomobılıst» (Ekaterınbýrg) klýbymen sheberlik baıqasady.
Eske salsaq, budan buryn «Barys» býllıtte «Neftehımıkten» basym tústi.