«Barys» «Calavat ıÝlaevtan» jeńilip qaldy

ASTANA. KAZINFORM — Qazaqstandyq «Barys» komandasy búgin, ıaǵnı 15 qarashada Qurlyqtyq hokkeı lıgasyndaǵy kezekti oıynyn elordada Reseıdiń «Salavat ıÝlaev» (Ýfa) komandasyna qarsy ótkizdi.

Ótken oıynda jeńiske jetken elordalyq komanda sol jetistigin taǵy bir márte qaıtalaýǵa tyrysty. Dese de oǵan «Salavat ıÝlaev» hokkeıshileri múmkindik bergen joq. Alǵashqy mınýttan tizgindi óz qolyna alýǵa tyrysty.

Kezdesýdi reselik klýb belsendi bastady. Oıynnyń 12-mınýtynda Artem Pımenov kózdegen nysanadan múlt ketken joq.

Al Dennıs ıAn 21, Sheldon Rempal 53-mınýtta esepti ústemeleı tússe, odan keıin elordalyq klýbtan Maksım Mýhametov 54-mınýtta mergendik tanytty.

Reseılik klýbtan Aleksandr Sharov 57-mınýtta oıynnyń núktesin qoıdy.

Osylaıa elordalyq komanda 1:4 esebimen qarsylasyna ese jiberdi.

Bul jeńilisten keıin «Barys» týrnır kestesinde 22 orynda tursa, «Salavat ıÝlaev» 7 orynǵa kóterildi. 

Eki komanda buǵan deıin 63 márte kezdesken. Onyń 27-si elordalyq klýbtyń basymdyǵymen aıaqtalsa, qalǵan oıynda reseılik komanda jeńiske jetken. Keıingi bes kezdesýdiń tórteýinde qazaqstandyq klýb atalǵan qarsylasyna ese jiberdi.

Endi qazaqstandyq komanda budan keıingi bir oıynyn syrt aıdynda ótkizip, 17 qarashada «Sochı» komandasymen sheberlik baıqasady.