«Barys» býllıtte «Avtomobılıst» komandasynan basym tústi

Qazaqstandyq «Barys» komandasy Qurlyqtyq hokkeı lıgasyndaǵy kezekti oıynyn Reseıde «Avtomobılıst» (Ekaterıbýrg) komandasyna qarsy ótkizdi, dep habarlaıdy Kazinform.

Eki komanda buǵan deıin 58 márte kezdesti. Onyń 36-y elordalyq klýbtyń basymdyǵymen aıaqtalsa, qalǵanynda reseılik komanda jeńiske jetti.

Týrnır kestesinde «Barys» 26 oıynnan keıin 21 upaımen 20-orynda turǵan edi.Oǵan q osa astanalyq klýb bıylǵy maýsymdy sátsiz ótkizip keledi. Sońǵy 10 oıynnyń nebári úsheýinde jeńiske jetti.

Sondyqtan búgingi kezdesýde elordalyq komanda jeńiske jetýge bar kúshin saldy. Nátıjesinde olardyń qatarynan Mıhaıl Rahmanov 9-mınýtta esep ashsa, «Avtomobılıst» hokkeıshisi Andreı Obıdın 13-mınýtta tarazy basyn teńestirdi.

Al 35-mınýtta Maksım Mýsorov qaıtadan «Barysty» alǵa shyǵarsa, reseılik klýbtan Andreı Golyshev 42-mınýtta soqqan goldan keıin qaıtadan tarazy basyn teńesti.

Oıynnyń negizgi kezeńi men overtaım 2:2 esebimen teń aıaqtalyp, býllıtte «Barys» jeńimpaz boldy.

Osylaısha elordalyq klýb qarsylasynan 3:2 esebimen basym túsip, qatarynan tórt oıyn sátsizdikten keıin jeńiske jetti.

Endi «Barys» aldaǵy oıynyn 4 qarashada Reseıde «Ak Bars» (Qazan) komandasyna qarsy ótkizedi.

Eske salsaq, budan buryn «Barys» Reseıde «Metallýrg» komandasyna ese jiberdi.