«Barys» búgin elordada SKA komandasymen kezdesedi

ASTANA. KAZINFORM — Qazaqstandyq «Barys» komandasy búgin, ıaǵnı 12 aqpanda Qurlyqtyq hokkeı lıgasyndaǵy kezekti oıynyn elordada Reseıdiń SKA (Sankt-Peterbýrg) komandasyna qarsy ótkizedi.

Kezdesý Qazaqstan ýaqytymen 19:30-da bastalyp, «Qazsport» telearnasynan tikeleı efırde kórsetiledi.

Qazirge deıin komandalar 56 márte sheberlik baıqasty. Onyń 25-i elordalyq komandanyń basymdyǵymen aıaqtalsa, qalǵanynda reseılik ujym jeńiske jetti.

Keıingi bes kezdesýdiń barlyǵynda qazaqstandyq klýb atalǵan qarsylasyna ese jiberdi.

Týrnır kestesinde «Barys» 42 upaımen 19-orynǵa jaıǵassa, SKA 60 upaımen 12-orynda keledi.

Qazaqstandyq klýb budan keıin tórt oıynyn elordada ótkizedi. Aldymen 2026 jyldyń 14 aqpanda Reseıdiń «Lada» (Tolıattı) klýbymen kezdesse, 17 aqpanda «Metallýrg» (Magnıtogorsk), 20 aqpanda Qytaıdyń «Shanhaı aıdaharlary» (Shanhaı), 22 aqpanda Reseıdiń «Severstalv» (Cherepovets) komandalarymen sheberlik baıqasady.

Eske salsaq, budan buryn Qazaqstan jasóspirimder quramasy shaıbaly hokkeıden halyqaralyq týrnırde top jardy.