«Barys» búgin elordada «Sıbır» komandasymen kezdesedi

ASTANA. KAZINFORM — Qazaqstandyq «Barys» komandasy búgin, ıaǵnı 23 qańtarda Qurlyqtyq hokkeı lıgasyndaǵy kezekti oıynyn elordada Reseıdiń «Sıbır» (Novosibir) komandasyna qarsy ótkizedi. 

Oıyn elorda ýaqytymen 16:30-da bastalyp, «Qazsport» telearnasynan tikeleı efırde kórsetiledi.

Eki komanda buǵan deıin 59 márte kezdesken. Onyń 27-si elordalyq klýbtyń basymdyǵymen aıaqtalsa, qalǵanynda reseılik komanda jeńiske jetken.

Keıingi bes kezdesýdiń úsheýinde qazaqstandyq klýb atalǵan qarsylasyna ese jiberdi.

Qazir týrnır kestesinde «Barys» 26 upaımen 23-orynda tursa, «Cıbır» 49 upaımen 16-orynda keledi.

Aıta ketsek, elordalyq klýb budan keıingi úsh oıynyn syrt aıdynda ótkizedi. Aldymen 31 qańtarda Reseıde «Avangard» (Omby) klýbymen kezdesse, odan keıin 2 aqpanda «Amýr» (Habarovsk), 4 aqpanda «Admıral» (Vladıvostok) komandalarymen sheberlik baıqasady. 
Eske salsaq, budan buryn «Barys» elordada «Admıralǵa» ese jiberdi.