«Barys» búgin elordada «Neftehımık» komandasymen kezdesedi

Qazaqstandyq «Barys» komandasy Qurlyqtyq hokkeı lıgasyndaǵy kezekti oıynyn elordada Reseıdiń «Neftehımık» (Nıjnekamsk) komandasyna qarsy ótkizedi, dep habarlaıdy QazAqparat tilshisi.

Kezdesý búgin, 18 qyrkúıekte 19:30-da bastalady.

Eki komanda buǵan deıin 41 márte kezdesti. Onyń 23-i elordalyq klýbtyń basymdyǵymen aıaqtalsa, qalǵanynda reseılik komanda jeńiske jetti.

Aıta ketsek, elordalyq klýb Qurlyqtyq hokkeı lıgasyndaǵy budan burynǵy alty kezdesýiniń 5-de jeńilip, odan keıin elordada Reseıdiń «Admıral» (Vladıvostok) komandasynan basym tústi.

Atalǵan kezdesýden keıin elordalyq klýb qatarynan úsh oıynyn syrt aıdynda ótkizedi.

Aldymen 21 qyrkúıekte Reseıde «Spartak» (Máskeý) klýbymen kezdesse, odan keıin 23 qyrkúıekte «Sıbır» (Novosibir), 25 qyrkúıekte «Neftehımık» (Nıjnekamsk) komandalarymen sheberlik baıqasady.

Al elordada 16 qyrkúıekte Reseıdiń «Admıral», 18 qyrkúıekte «Neftehımık» komandalaryn qabyldaıdy.