«Barys» búgin elordada «Lokomotıv» komandasymen kezdesedi

ASTANA. KAZINFORM - Qazaqstandyq «Barys» komandasy búgin, ıaǵnı 19 qańtarda Qurlyqtyq hokkeı lıgasyndaǵy kezekti oıynyn Reseıde «Lokomotıv» (ıAroslavl) komandasyna qarsy ótkizedi.

Oıyn elorda ýaqytymen 17:00-de bastalyp, «Qazsport» telearnasynan tikeleı efırde kórsetiledi.

Eki komanda buǵan deıin 34 márte kezdesken. Onyń 11-i elordalyq klýbtyń basymdyǵymen aıaqtalsa, qalǵanynda reseılik komanda jeńiske jetken.

Keıingi bes kezdesýdiń tórteýinde qazaqstandyq klýb atalǵan qarsylasyna ese jiberdi.

Qazir týrnır kestesinde «Barys» 25 upaımen 23-orynda tursa, «Lokomotıv» 76 upaımen 1-orynda keledi.

Aıta ketsek, elordalyq klýb budan keıingi eki oıynyn elordada ótkizedi. Aldymen 23 qańtarda Reseıdiń «Admıral» (Vladıvostok) komandasymen kezdesse, 26 qańtarda «Ak Bars» (Qazan) klýbymen oınaıdy.

Eske salsaq, «Barys» budan buryn reseılik «Ak Barsqa» ese jiberdi.