«Barys» búgin elordada «Lada» komandasymen kezdesedi

ASTANA. KAZINFORM - Qazaqstandyq «Barys» komandasy búgin, ıaǵnı 5 qańtarda Qurlyqtyq hokkeı lıgasyndaǵy kezekti oıynyn Reseıdiń «Lada» (Tolıattı) komandasyna qarsy ótkizedi. 

Oıyn elorda ýaqytymen 16:50-de bastalyp, «Qazsport» telearnasynan tikeleı efırde kórsetiledi.

Eki komanda buǵan deıin 19 márte kezdesken. Onyń 7-eýi elordalyq klýbtyń basymdyǵymen aıaqtalsa, qalǵan oıynda reseılik komanda jeńiske jetken. 

Keıingi alty kezdesýdiń beseýinde qazaqstandyq klýb atalǵan qarsylasyna jiberdi.

Qazir týrnır kestesinde «Barys» 23 upaımen 22-orynda tursa, «Lada» 35 upaımen 21-orynda keledi.

Aıta ketsek, elordalyq klýb budan keıingi taǵy bir oıynyn elordada ótkizip, 7 qańtarda Reseıdiń «Avtomobılıst» (Ekaterınbýrg) klýbymen sheberlik baıqasady.

Eske salsaq, budan buryn «Barys» altynshy oıyn qatarynan jeńiske jete almaı keledi.