«Barys» búgin elordada «Lada» komandasymen kezdesedi

ASTANA. KAZINFORM — Qazaqstandyq «Barys» komandasy búgin, ıaǵnı 14 aqpanda Qurlyqtyq hokkeı lıgasyndaǵy kezekti oıynyn elordada Reseıdiń «Lada» (Tolıattı) komandasyna qarsy ótkizedi.

Kezdesý Qazaqstan ýaqytymen 17:00–de bastalyp, «Qazsport» telearnasynan tikeleı efırde kórsetiledi.

Keıingi bes kezdesýdiń tórteýinde qazaqstandyq klýb atalǵan qarsylasyna ese jiberdi.

Týrnır kestesinde «Barys» 42 upaımen 19-orynǵa jaıǵassa, «Lada» 39 upaımen 20-orynda keledi.

Erejege sáıkes pleı-off kezeńine týrnır kestesinde alǵashqy on alty quramyna engen komandalar shyǵa alady. Qazaqstandyq komanda keıingi eki jylda mundaı múmkindikke qol jetkize alǵan joq.

Qazaqstandyq klýb budan keıin úsh oıynyn elordada ótkizedi. Aldymen 17 aqpanda Reseıdiń «Metallýrg» (Magnıtogorsk) klýbymen kezdesse, 20 aqpanda Qytaıdyń «Shanhaı aıdaharlary» (Shanhaı), 22 aqpanda Reseıdiń «Severstalv» (Cherepovets) komandalarymen sheberlik baıqasady.

Eske salsaq, budan buryn «Barys» elordada SKA komandasyna ese jibergen edi.