«Barys» búgin elordada «Avangard» komandasymen kezdesedi

ASTANA. KAZINFORM - Qazaqstandyq «Barys» komandasy Qurlyqtyq hokkeı lıgasyndaǵy kezekti oıynyn elordada Reseıdiń «Avangard» (Omby) komandasyna qarsy ótkizedi.

Kezdesý búgin, 31 qańtar kúni elorda ýaqytymen saǵat 19:30-da bastalyp, Qazsport telearnasynan tikeleı efırde kórsetiledi.

Eki komanda buǵan deıin 75 márte kezdesken. Onyń 26-sy elordalyq klýbtyń basymdyǵymen aıaqtalsa, qalǵan oıyndarda reseılik komanda jeńiske jetti.

Týrnır kestesinde «Barys» 56 oıynnan keıin 44 upaımen 21-orynda tur. Al, «Avangard» 56 oıynnan keıin 79 upaımen 3-orynda keledi.

Elordalyq klýb sońǵy 10 oıynnyń toǵyzynda qarsylastaryna ese jiberdi.

Qazaqstandyq ujym budan keıingi tórt oıyndy da elordada ótkizedi. Aldymen 4 jáne 6 aqpanda «Amýr» (Habarovsk) klýbymen kezdesse, 8 aqpanda SKA (Sankt- Peterbýrg), 10 aqpanda «Spartak» (Máskeý) klýbtarymen oınaıdy.

Eske salsaq, budan buryn «Ak Barstan» tórtinshi márte jeńildi.