«Barys» qatarynan besinshi oıyn jeńiske jete almaı keledi

Qazaqstandyq «Barys» komandasy Qurlyqtyq hokkeı lıgasyndaǵy kezekti oıynyn Reseıde «Vıtıaz» (Podolsk) komandasyna qarsy ótkizdi, dep habarlaıdy QazAqparat tilshisi. 

Búgingi kezdesýde eki komanda jyldam gol soǵý múmkindigin izdedi. Nátıjesinde 5-mınýtta elordalyq klýbtan Pontýs Oberg esep ashyp ketti. Odan keıin 6-mınýtta «Vıtıaz» sapynan Aleksandr ıAremchýk tarazy basyn teńestirdi.

Ekinshi kezeńde qazaqstandyq komanda qaıta alǵa shyqty. Bul joly 21-mınýtta Kırıll Savıtskıı kózdegen nysanadan múlt ketken joq. Al 35-mınýtta reseılik kdýbtan Stanıslav ıArovoı taǵy da esepti teńestirdi.

Oıynnyń negizgi kezeńi 2:2 esebimen teń aıaqtalyp, overtaımǵa ulasty. Onda reseılik klýbtyń joly boldy.

Osylaısha «Barys» qatarynan besinshi oıynda jeńilis tapty.

Endi atalǵan klýb 9 qazanda elordada Reseıdiń «Traktor» (Chelıabi) komandasyna qarsy oıyn ótkizedi.

Elordalyq klýb budan buryn qatarynan tórtinshi márte jeńilgenin jazǵan edik.