«Barys» bes oıynnan keıin jeńiske jetti

Qazaqstandyq «Barys» komandasy Qurlyqtyq hokkeı lıgasyndaǵy kezekti oıynynda elordada Reseıdiń «Traktor» (Chelıabi) komandasynan basym tústi, dep habarlaıdy Kazinform agenttigi.

Qazaqstandyq komanda bes týr boıy jeńilistiń aşy dámin tatty. Saldarynan týrnır kestesindegi jaǵdaıyn qıyndatyp aldy. Jeńilisten kóz ashpaǵan klýb nebári 11 upaımen 21-orynda turǵan edi.

Al «Traktor» 16 oıynnan keıin 18 upaımen 10-orynǵa ornalasty.

Aıta ketsek, Andreı Skabelka «Barys» komandasynyń bas bapkeri qyzmetinen ketip, onyń ornyna qazaqstandyq maman Ǵalym Mámbetálıev bas bapkerdiń mindetin atqarýshy bolyp taǵaıyndaldy.

Kezdesý barysynda qazaqstandyq ujym barynsha jınaqy qımyl kórsetti. Nátıjesinde 17-mınýtta elordalyq Vsevolod Logvın esep ashyp ketti.

Al 25-mınýtta Arkadıı Shestakov esepti ústemeleı tústi.

Reseılik klýb gol soǵý múmkindigin izdedi. Olardyń qatarynan 39-mınýtta Charlz Robınson esep aıyrmasyn qysqartqan edi.

Osylaısha «Barys» qarsylasynan 2:1 esebimen basym tústi. Týrnır kestesinde 13 upaımen bir orynǵa joǵary kóterildi.