«Barys» Bashqurtstan Respýblıkasy kýbogy týrnırin jeńispen aıaqtady

Qazaqstandyq komanda búgin úshinshi kezdesýinde Reseııdiń «Lada» (Tolıattı) klýbymen sheberlik baıqasty. 

Komandalar birinshi kezeńde bir-biriniń qaqpasynan sańylaý taba alǵan joq. Ekinshi kezeńde aldymen reseılik klýbtan Rasım Shakırov 22-mınýtta mergendik tanytsa, 24-mınýtta elordalyq klýbtan Ańsar Shaıhmeddenov óz múmkindigin múlt jibergen joq.

Oıynnyń 58-mınýtta «Barys» sapynan Semen Sımonov qorytyndy esepti belgiledi.

Osylaısha olar qarsylasynan 2:1 esebimen basym túsip, týrnırdi jeńispen aıaqtady.

Dástúrli týrnır barysynda qazaqstandyq komanda buǵan deıin 17 tamyzda Reseıdiń «Salavat ıÝlaev» (Ýfa) klýbyna 1:4, «Amýr» (Habarovsk) ujymyna 1:5 esebimen ese jibergen edi.

Týrnır barysynda «Barystyń» bas bapkeri Mıhaıl Kravets tómendegi hokkeıshilerge senim bildirdi.

Oıynshylar tizimi

Qaqpashylar: Hanter Shepard, Andreı Shýtov, Vladıslav Nýrek.

Qorǵaýshylar: Djeık Massı, Ien Makkoshen, Cheız Prıskı, Damır Brıtıkov («Snejnye Barsy»), Beıbarys Orazov, Logan Deı, Samat Danııar, Ádil Beketaev, Temırlan Aıboluly («Snejnye Barsy»), Mádı Dıhanbek.

Shabýylshylar: Taıs Tompson, Abzal Álibek, Vsevolod Logvın, Dinmuhamed Qaıyrjan, Garrett Pılon, Álıhan Ómirbekov, Kırıll Panıýkov, Asanálı Sarkenov, Kırıll Lıapýnov, Arkadıı Shestakov, Semen Sımonov, Ańsar Shaıhmeddenov, Tımýr Mındýbaev («Snejnye Barsy»), Batyrlan Muratov, Kırıll Savıtskıı.

Endi qazaqstandyq komanda Reseıdiń Sankt-Peterbýrg qalasynda jalaýyn kóteretin Nıkolaı Pýchkov atyndaǵy týrnırde baq synaıdy. Bul týrnır barysynda elordalyq klýb Reseıdiń SKA (Sankt-Peterbýrg), «Admıral» (Vladıvostok) jáne SKA-VMF (Sankt-Peterbýrg) komandalarymen sheberlik baıqasady.

Týrnır barysynda olar aldymen 27 tamyzda SKA klýbymen kezdesse, odan keıin 28 tamyzda SKA-VMF, 29 tamyzda «Admıral» klýbyna qarsy oınaıdy.

Komandanyń 2026/27 jylǵy QHL maýsymyna daıyndyqtyń qorytyndy kezeńi 31 tamyz-6 qyrkúıek aralyǵynda «Barys Arenada» ótedi.