«Barys» aldaǵy maýsymǵa tolyq quramda daıyndyǵyn bastady

Komanda quramyndaǵy qazaqstandyq hokkeıshiler 15 shildede elordaǵa jınaldy. Olardyń qatarynda qaqpashy Vladıslav Nýrek, qorǵaýshylar Beıbarys Orazov, Artem Korolev pen Kırıll Nıkıtın, shabýylshylar Vsevolod Logvın, Kırıll Lıapýnov, Semen Sımonov, Abzal Álibek jáne Asanálı Sarkenov bar.

Hokkeıshiler jattyǵý protsesin bastap, muz aıdynyndaǵy alǵashqy jattyǵýyn ótkizdi. 1 tamyzdan keıin olardyń qataryna taǵy birneshe oıynshy qosylady.

Astanalyq klýb 17-20 tamyz aralyǵynda Reseıdiń Ýfa qalasynda ótetin «Bashqurtstan Respýblıkasy kýbogy» týrnırine qatysady. Odan keıin Mıhaıl Kravetstiń shákirtteri sol eldiń Sankt-Peterbýrg qalasynda jalaýyn kóteretin Nıkolaı Pýchkov atyndaǵy týrnırde baq synaıdy. Komandanyń 2026/27 jylǵy QHL maýsymyna daıyndyqtyń qorytyndy kezeńi 31 tamyz-6 qyrkúıek aralyǵynda «Barys Arenada» ótedi.

Aldaǵy maýsymda ujymnyń bas bapkeri qyzmetin Mıhaıl Kravets atqarady. Onyń kómekshisi bolyp otandyq jankúıerlerge jaqsy tanys maman Talǵat Jaılaýov bekitildi.

Shabýylshylarmen Aleksandr Savchenkov, al qorǵaýshylarmen Evgenıı Korolev jumys isteıdi. Qaqpashylardy daıyndaý isi Konstantın Barýlınge senip tapsyryldy.

Aldaǵy maýsymǵa barlyǵy 22 komanda qatysady. Olardyń qatarynda elordalyq «Barys» ta bar. Komandalar jyldaǵydaı Shyǵys jáne Batys konferentsııasyna bólingen.

Shyǵys konferentsııasyna Reseıdiń «Avtomobılıst» (Ekaterınbýrg), «Ak Bars» (Qazan), «Metallýrg» (Magnıtogorsk), «Neftehımık» (Nıjnekamsk), «Traktor» (Chelıabi), «Avangard» (Omby), «Admıral» (Vladıvostok), «Amýr» (Habarovsk), «Salavat ıÝlaev» (Ýfa), «Sıbır» (Novosibir) jáne qazaqstandyq «Barys» engizilgen.

Batys konferentsııasynda Reseıdiń SKA (Sankt-Peterbýrg), «Spartak» (Máskeý), «Torpedo» (Nıjnıı Novgorod), «Lada» (Tolıattı), «Sochı», «Dınamo» (Máskeý), «Lokomotıv» (ıAroslavl), «Severstal» (Cherepovets), TsSKA (Máskeý), Belarýstiń «Dınamo» (Mınsk), Qytaıdyń «Shanhaı Dregons» komandalary synǵa túsedi.

Eske salsaq, budan buryn shaıbaly hokkeıden Qazaqstan Kýbogynyń toptyq quramy men matchtar kúntizbesi belgili boldy.