«Barys» «Ak Barstan» tórtinshi márte jeńildi
ASTANA. KAZINFORM — Qazaqstandyq «Barys» komandasy Qurlyqtyq hokkeı lıgasyndaǵy kezekti oıynyn elordada Reseıdiń «Ak Bars» (Qazan) komandasyna qarsy ótkizdi.
Kezdesý barysynda reseılik klýbtyń belsendiligi baıqaldy.
Nátıjesinde olardyń qatarynan Dmıtrıı ıÝdın 4-mınýtta «Barys» qaqpasynan sańylaý taýyp ketti.
Al 12-mınýtta Kırıll Semenov «Ak Bars» basymdyǵyn arttyra tústi.
Oıynnyń 19-mınýtynda qazaqstandyq klýbtan Davıd Sklenıchka esep aıyrmasyn qysqartsa, «Ak Bars» hokkeıshisi Mıtchell Mıller 46-mınýtta kózdegen nysanadan múlt ketken joq.
Osylaısha «Barys» qarsylasyna 1:3 esebimen ese jiberdi. Bul — olardyń qatarynan besinshi jeńilisi.
Sondaı-aq, bıyl astanalyq komanda atalǵan qarsylasyna tórtinshi márte jeńilip qaldy.
Aıta ketsek, bıyl elordalyq klýb sátsiz oıyn kórsetip keledi.
Saldarynan týrnır kestesinde «Barys» qazir 55 oıynnan keıin 44 upaımen 19-orynda tur.
Endi «Barys» aldaǵy bes oıynyn elordada ótkizedi.
Aldymen 31 qańtarda Reseıdiń «Avangard» (Omby) klýbymen kezdesedi.
Odan keıin 4 jáne 6 aqpanda «Amýr» (Habarovsk), 8 aqpanda SKA (Sankt- Peterbýrg), 10 aqpanda «Spartak» (Máskeý) klýbtarymen oınaıdy.
Eske salsaq, budan buryn «Barys» «Lada» komandasyna ese jibergen edi.
