Bárinen de eldiń yntymaǵy men aýyzbirshiligi qymbat - Mirhaıdar Ramanqulov

TÚRKІSTAN. QazAqparat - Eń bastysy - «Máńgilik el» ıdeıasy tóńireginde halyqtyń aýyzbirshiligin, yntymaǵyn arttyrý. Túrkistan oblysynyń turǵyny, ardager, general-maıor Mirhaıdar Ramanqulov memleket basshysy Nursultan Nazarbaevtyń «Nur Otan» partııasynyń HVІІІ sezinde aıtylǵan áleýmettik bastamalaryna qatysty pikir bildirdi, dep habarlaıdy QazAqparat.

«Bul bir jan-dúnıemizdi sergitken, keleshegimizdi kemeldi áńgimemen kómkergen, aldaǵy baǵyttarymyzdy ashyq aıqyndaǵan áserli basqosý boldy. Bıyl halyqtyq partııaǵa - 20 jyl. Osy jyldarda jetken jetistikterdi, qoǵam aldyna qoıǵan maqsat-mindetterdi oryndaýda «Nur Otan» partııasynyń roli orasan zor. Osy ýaqyt ishinde halyqtyń úlken senimine ıe boldy. Al senim - halyqtyń partııaǵa bergen eń úlken baǵasy der edim», - deıdi ardager.

Mirhaıdar Ramanqulovtyń aıtýynsha, Elbasy osy sezde áleýmettik máselelerdiń sheshilýine erekshe nazar aýdardy.

«Ásirese, densaýlyq saqtaý, bilim berý, mádenıet salalaryna qatysty ustanymdary bizdi aıryqsha qýantty. Halyqty jumyspen qamtý baǵytyndaǵy sharalar da osy jıynda aıtyldy. Kásipkerlerdi eldi damytýǵa shaqyryp, týǵan Otanymyzdy kórkeıtýge olardyń belsene qatysýy tıis degen oılary kópshilik kóńilinen shyqty. Iá, qazirgi álemdegi saıası-ekonomıkalyq jaǵdaı turaqsyz. Bul álemniń bir bólshegi retinde bizdiń elge de óz yqpalyn tıgizbeı qoımaıdy. Qazaqta «úıdegi jaǵdaıdy syrttaǵy naryq buzady» degen sóz bar. Qazir dál osyndaı jaǵdaı bolyp tur. Sondyqtan osyndaı kezde taıaýda ǵana Prezıdent pármenimen taǵaıyndalǵan Úkimet basshysyna, mınıstrler men oblys ákimderine úlken jaýapkershilik júkteledi», - dep atap ótti Mirhaıdar Ramanqulov.

Eń bastysy - «Máńgilik el» ıdeıasy tóńireginde halyqtyń aýyzbirshiligin, yntymaǵyn arttyrý deıdi general-maıor.