«Bárimiz birdeımiz-kemsitýdi bilmeımiz» baıqaýynyń respýblıkalyq týryna 500-den astam múmkindigi shekteýli jan qatysady

ASTANA. 10 qazan. QazAqparat - Astanada «Bárimiz birdeımiz-kemsitýdi bilmeımiz» baıqaýynyń aqtyq týryna birge erip keletin adamdarmen qosa eseptegende 500-den astam múmkindigi shekteýli jan qatysady. Bul týraly astana.kz saıtyna QR Eńbek jáne halyqty áleýmettik qorǵaý mınıstrliginen habarlady.

Baıqaýdyń aqtyq syny 22-25 qazanda elordada ótedi. Onda 10 atalym boıynsha baıqaý qorytyndysy shyǵarylyp, jeńimpazdar anyqtalady. Atap aıtqanda, «Úzdik áleýmettik joba», «Eń tatý otbasy», «Aqyldylar», «Úzdik stýdent», «Kásibiniń úzdigi» «Úzdik sportshy», «Altyn qaýyrsyn», «Úzdik ónerpaz», «Úzdik bı», «Úzdik oryndaýshy». Fınaldyq týrdyń qazylar alqasynyń quramy, sonymen qatar, sońǵy kezeńdi ótkizýdiń uıymdastyrýshylyq máseleleri 10 qazanda Astanada ótetin uıymdastyrýshylyq komıtettiń ekinshi otyrysynda anyqtalady.

Eske sala keteıik, óńirlerde baıqaýdyń alǵashqy aımaqtyq kezeńi ótip, 5 myńnan astam adamdy qamtydy. Baıqaýǵa 6-45 jastaǵy múmkindigi shekteýli jandar, múgedekter qurǵan jastar qoǵamdyq birlestikteri men uıymdar qatysty. Múmkindigi shekteýli jandarǵa arnalǵan «Bárimiz birdeımiz-kemsitýdi bilmeımiz» alǵashqy respýblıkalyq baıqaýy múgedekterge qoǵam nazaryn aýdarýǵa, qoǵamnyń túsinigin ózgertýge jáne múgedekterge qarym-qatynasty ózgertýge baǵyttalǵan.