Bári seniń aıaǵyńnan: Astanada dúken jyrtyq týflıdi aýystyrmaı qoıǵan
ASTANA. QazAqparat - Esil aýdandyq sotynda azamat M-nyń «E» JShS-nen sapasyz taýar qunyn óndirip alý týraly azamattyq is qaraldy, dep habarlaıdy QazAqparat qalalyq sottyń resmı saıtyna silteme jasap.
2017 jyly talapker «E» ıtalıandyq aıaq kıim dúkeninen quny 61 800 teńge turatyn áıelder aıaq kıimin satyp alǵan. 2 kún paıdalanǵannan keıin týflıdiń oń jaq syńarynyń aldyndaǵy tigisi ashylyp ketken. Odan keıin ol dúkenge kelip, aýystyryp berýin suraǵan. Alaıda dúken bul kemshilik talapkerdiń aıaǵyndaǵy aqaýynan bolǵan degen sebeppen týflıdi aýystyrýdan bas tartqan.
Óz quqyqtaryn qorǵaý úshin tutynýshy Astana qalalyq «Ádilet» tutynýshylar quqyǵyn qorǵaý» qoǵamdyq birlestigine júgingen. Ol máseleni sotqa jetkizbeı sheshý jóninde jaýapkerge aryzdanǵan. Alaıda, ol bul daýdy sotqa deıin sheshý úshin shara qoldanbaǵan.
Іs materıaldaryn zerdeleı kelip, sot jaýapkerden 61 800 teńge mólsherinde sapasyz taýardyń qunyn talapkerdiń paıdasyna óndirip berdi.
Astana qalasy azamattyq ister jónindegi alqa sotynyń qaýlysymen birinshi satydaǵy sottyń sheshimi ózgerissiz, jaýapkerdiń shaǵymy qanaǵattandyrýsyz qaldyryldy.
Qaýly zańdy kúshine endi.
