Barǵan toıy týraly jelige jazba jarııalaǵan bloger jazalanbaq

NUR-SULTAN. QazAqparat – Karantın talaptaryna qaramastan toı jasaǵan astanalyqtar Instagram blogerleriniń jazbasynan keıin áshkere boldy, dep habarlaıdy QazAqparat tilshisi.

Áleýmettik jelige monıtorıng júrgizgen polıtsııa qyzmetkerleri blogerlerdiń qatysýymen ótken úılený toıynda túsirilgen beınejazbany tapqan.

«Bas sanıtar dárigerdiń qaýlysyndaǵy tyıymǵa qaramastan, toı keń aýqymda ótken. Úılený toıy qalanyń sol jaǵalaýynda, Qorǵaljyn tas jolynyń boıyndaǵy meıramhanada ótkeni belgil boldy. Meıramhana ıesine, blogerge jáne basqa da toı qatysýshylaryna qatysty jınalǵan materıaldar sanıtarlyq-epıdemıologııalyq baqylaý basqarmasyna joldandy», - dep jazady polıtsııa departamentiniń baspasóz qyzmeti.

Elorda poltsıeıleri karantın talaptaryn buzýdyń sońy ákimshilik jaýapkershilikke soqtyratynyn eskertip otyr.