Barboza «Qaırattan» ketti
ASTANA. 2 aqpan. QazAqparat - «Qaırat» fýtzal komandasynyń bas bapkeri brazılııalyq Joao Barboza otstavkaǵa ketti. Ol endi reseılik «Sıbırıak» komandasyn jattyqtyrady. Bul jaıynda «Alaman» agenttigi jazyp otyr.
Reseılik komanda jaqynda óz bapkerleri Temýr Alekberovty jumysynan bosatqan edi. Odan keıin Barbozaǵa usynys jasaǵan. Bul usynysty brazılııalyq maman qýana qabyldaǵan syndy.
Barbozanyń ornyna «Qaıratty» taǵy bir brazılııalyq maman Markao baptaıdy. Ol bas bapkerdiń mindetin atqarmaq.
Markao «Qaırat» komandasynan bólek Qazaqstan quramasyn da baptaıtyny belgili. Ázirge brazılııalyq maman ulttyq quramadaǵy jumysy jaıly resmı málimdeme jasaǵan joq.
