«Barbang» Qazaqstan kúrdteri qaýymdastyǵy el azamattaryna úndeý joldady
ALMATY. 30 jeltoqsan. QazAqparat /Erlik Erjanuly/ - Qazaqstandyq kúrdter Prezıdenttiń ókilettik merzimin 2020 jylǵa deıin uzartýdy qoldaıdy. Bul týraly búgin «Barbang» Qazaqstan kúrdteri qaýymdastyǵynyń búgin el azamattaryna joldaǵan úndeýinde aıtyldy.
Onda kúrdterdiń 23 jeltoqsanda Óskemende ótken respýblıkalyq jıyndaǵy QR Tuńǵysh Prezıdentiniń ókilettik merzimin 2020 jyldyń 6 jeltoqsanyna deıin uzartý jónindegi referendým ótkizý bastamasyn quptaıtyny aıtylǵan. Kúrdterdiń QR Prezıdentin maqtan tutatyny jáne oǵan úlken senim artatyny jazylǵan. Úndeýde atap kórsetilgenindeı, Nursultan Ábishulynyń arqasynda Qazaqstan Ortalyq Azııa ǵana emes TMD elderi arasynda da kóshbasshylyq jaǵdaıda tur. Respýblıkada 2030 jylǵa deıin strategııa sátti júzege asyrylyp jatyr. Al onyń sáýletshisi - Prezıdenttiń ózi. Sondyqtan Qazaqstannyń aldynda turǵan barlyq mindetterdi tek Elbasy ǵana tolyq júzege asyra alady. Bul Qazaqstannyń ál-aýqaty men ósip-órkendeýi, bolashaqtaǵy turaqty damýy jáne eldiń álemdik báseke qabilettigin arttyrý úshin qajet.
