Barak Obamanyń áıelimen alǵashqy kezdesýi týraly fılm túsirilmek
ASTANA. QazAqparat - AQSh prezıdenti Barak Obama men onyń áıeli Mıshel týraly romantıkalyq fılm túsirilmek, dep habarlaıdy kinostan.kz.
"Saýtsaıd senimen birge" ("Southside with You") dep atalatyn kartınanyń oqıǵasy 1989 jyly Chıkagoda órbıdi. Ol kezde Barak Obama ekinshi joǵarǵy bilimin alyp, Sidley Austin fırmasynda jumys istep júrgen. Al Mıshel Robınson atalǵan ýaqyt aralyǵynda bolashaq prezıdenttiń basshysy bolǵan.
Sıýjette eki ǵashyqtyń alǵashqy kezdesýi baıandalady.
"Saýtsaıd senimen birge" týyndysy Rıchard Tennyń alǵashqy rejısserlik jumysy bolmaq. Fılmde basty rólderdi buǵan deıin asa tanyla qoımaǵan Parker Soıers pen Tıka Sampter somdaıdy.
Túsirilim bıylǵy jylǵy tamyz aıynda bastalady, al fılmniń premerasy qashan bolatyny ázirge naqtylanbady.
