Barak Obamanyń apasy qarttar úıinde kóz jumdy
ASTANA. QazAqparat - AQSh prezıdenti Barak Obamanyń apasy Zeıtýnı Onıango Bostondaǵy qarttar úıinde 61 jasynda kóz jumdy, dep habarlaıdy sheteldik BAQ.
Qaterli isik dertine shaldyǵyp, uzaq ýaqyt boıy syrqattanǵan áıel uıqydan oıanbaı qalǵan. Zeıtýnı Onıango - Barak Obamanyń ákesiniń týǵan qaryndasy. Ol 2000 jyly AQSh-qa Kenııadan kelgen, al 2002 jyly jaǵdaıynyń qıyndyǵyna baılanysty otanynan panalaıtyn jer suraǵan. Bul ótinishi qoldaý tappady. Sol kezde Onıango Massachýsets shtatynda zańsyz qalýdy uıǵardy. BAQ bul týraly tek 2008 jyly bilgen, ıaǵnı Obama prezıdent bolǵanǵa deıin. Aq úıde memleket basshysy óz apasynyń elde zańsyz turyp jatqanyn bilmegenin alǵa tartty. 2010 jyly Onıangoǵa saıası baspana berildi. Óıtkeni ol otanyna oralǵan jaǵdaıda AQSh prezıdentiniń týysy bolǵandyqtan ólim jazasyna kesilýi múmkin edi.
