Barak Obama jeke qarýy múldem bolmaǵanyn málimdedi
ASTANA. QazAqparat- AQSh prezıdenti Barak Obama jeke qarýy múldem bolmaǵanyn málimdedi, dep habarlady TASS.
«Mende esh ýaqytta tapansha bolǵan emes», - dedi ol beısenbi kúni CNN telearnasynyń efırinde qarý jaıynda áńgime qozǵalǵan kezde.
Budan buryn Obama AQSh atqarýshy bıligi atys qarýy aınalymyna baqylaýdy kúsheıtýge baǵyttalǵan birqatar sharalar qabyldaǵanyn jarııalaǵan.
AQSh Prezıdenti qarý ıeleri men satýshylardyń múddelerin qorǵaıtyn ulttyq qarý qaýymdastyǵy ókilderimen kezdesýge ázir ekenin málimdegenin aıta ketý qajet.
«Olarmen kezdesip, áńgimelesýge qarsy emespin», - dedi amerıkandyq Memleket basshysy. Alaıda, ol «Obama adamdardan qarýdy alyp qoımaqshy degen daqpyrt» áńgime emes, naqty fakti jaıynda sóz qozǵalatynyn qosty.
AQSh Prezıdenti sóılegen sózinde qarýdy satyp alý-satý júıesinde mysaly, dárini qosa alǵanda, adamdardyń ómiri men densaýlyǵyna qaýip tóndiretin kez kelgen taýarlar saýdasy sııaqty aqylǵa qonymdy tásil qoldanylýy tıis ekenin aıtty. «Bizge satyp alýshynyń kim ekenin yqtımal tekserýdi kózdeıtin zańdy túrde qarýdy satýshylar men satyp alýshylar úshin qolaısyz jaǵdaı týdyrmaıtyndaı tıimdi júıe qajet», - dedi Aq úı basshysy. Ol bul júıeni AQSh Kongresiniń zańdy sheshimderimen bekitkendi jón sanaıdy.
Budan buryn Obama AQSh atqarýshy bıligi atys qarýynyń aınalymyna baqylaýdy kúsheıtýge baǵyttalǵan birqatar sharalar qabyldaıtynyn habarlaǵan.
