Barak Obama Týnıstegi bılik aýysýyn qýattady
ASTANA. 26 qańtar. QazAqparat - AQSh Prezıdenti Barak Obama Týnıstegi bılik aýysýyn qýattady. Aq úı basshysy mundaı málimdemesin «Eldegi jaǵdaı týraly» kongreske dástúrli joldaýyn (State of the Union) jasaýy kezinde aıtty, dep habarlaıdy RBK.
"AQSh Týnıs halqyn qoldaıdy, kez kelgen basqa halyq sııaqty olar da demokratııanyń saltanat qurýyna qol jetkizýde", - dedi ol. "Soltústik Afrıka eli halqynyń erki burynǵy Týnıs prezıdenti ornatqan dıktatýra rejıminen kúshtirek bolyp shyqty", - dedi B.Obama.
Esterińizge sala keteıik, 2011 jyldyń 14 qańtarynda Týnıs prezıdenti Zın el-Abedın Ben Alı eldi tastap, Saýd Arabııasyna qashyp ketken bolatyn. Bıliktiń aýysýy bul elde 2010 jyldyń jeltoqsan aıynan jappaı narazylyq sherýleriniń boı kóterýinen keıin oryn aldy. Memlekettegi jappaı jumyssyzdyq, sybaılas jemqorlyq pen azyq-túlikke baǵanyń shekten tys sharyqtap kóterilýi osyndaı halyq narazylyǵyna alyp keldi. Tolqý kezinde 100-den astam adamnyń ómiri qıyldy.
