Barak Obama shoý baǵdarlama júrgizýi múmkin
ASTANA. QazAqparat - AQSh-tyń burynǵy prezıdenti Barak Obama Netflix kompanııasymen jeke shoý ashý týraly kelissózder júrgizip jatyr. Bul týraly The New York Times basylymy jazady.
Basylymnyń jazýyna qaraǵanda, kelissózder bastapqy sıpatqa ıe jáne onyń formaty áli naqty emes. Tek belgilisi shoýǵa Aq úıdiń burynǵy basshysy áıeli Mıshelmen qatysatyndyǵy.
Boljamdy baǵdarlamanyń basty taqyryby densaýlyq saqtaý reformasy, mıgratsııa, jahandyq jylyný, quqyq salalaryn qamtýy múmkin. Sondaı-aq, Mıshel Obama únemi kóteretin durys tamaqtaný máselesi de shoý taqyrybyna ózek bolýy yqtımal.
Aıta keteıik, Netflix- amerıkalyq halyqaralyq oıyn-saýyq kompanııasy. 1997 jyly 29 tamyzda Skotts-Vellıde (Kalıfornııa) Rıd Hastıngs jáne Mark Rendolf qurǵan.
