Barak Obama saıasatqa qaıta oraldy
ASTANA. QazAqparat - AQSh-tyń burynǵy prezıdenti Barak Obama ózinen keıingi saılanǵan prezıdent Donald Tramptyń saıasatyna kóńili tolmaıtynyn bildirip, eldiń saıası ómirine qaıta oralatynyn jarııalady, dep habarlaıdy AFP.
Ol beısenbi kúni Fıl Merfıdiń Nıý-Arktegi saılaýaldy naýqany aıasynda ótkizilgen sharada Vırdjınııa jáne Nıý-Djersı shtattarynyń gýbernator saılaýynda Demokratııalyq partııa ókilderin qoldaıtynyn málimdedi.
Odan soń Obama Rıchmondqa baryp, Vırdjınııa shtatynyń gýbernatorlyǵynan úmitker Ralf Nortamǵa qoldaý bildirdi. Sharada sóılegen sózinde Obama qazirgi prezıdentti qatań synǵa alǵan.
Atalǵan shtattardaǵy gýbernator saılaýy 7 qarashada ótedi.
Aıta ketelik, Barak Obama prezıdent laýazymynan ketkennen keıin saıası arenada kórinbeı júrgen edi, tipti halyq aldynda sóılep, suhbat ta bermegen. Al Rıchmondtaǵy sharaǵa qatysatyny belgili bolǵan soń, oǵan kelýshiler legi kúrt artqan.
