Barak Obama Saýd Arabııasyna barady
ASTANA. QazAqparat - AQSh prezıdenti Barak Obama naýryz aıynda korol Abdallamen kelissózder júrgizý úshin Saýd Arabııasyna barady, dep habarlaıdy Wall Street Journal gazeti arab bıliginiń ókilderine silteme jasap. Aq úı ázirge bul aqparatqa qatysty qandaı da bir málimet berýden bas tartyp otyr, deıdi Bı-Bı-Sı.
«Áńgime ekijaqty qarym-qatynastardyń nasharlap bara jatqandyǵyna qatysty bolady», - deıdi eldegi sheni joǵary laýazym ıeleriniń biri. Ol sondaı-aq kezdesý týraly taraptardyń birneshe kún buryn ǵana keliskenin atap ótti.
Saýd Arabııasy men AQSh 1932 jyly koroldiktiń qurylǵan sátinen beri odaqtas bolyp keledi.
2001 jyly 11 qyrkúıektegi basym bóligin saýdtyq lańkester quraǵan top júzege asyrǵan terrorıstik áreketterden soń bul elderdiń arasyndaǵy qarym-qatynastar nasharlap ketken, alaıda, strategııalyq áriptestikteri áli de jalǵasyn taýyp keledi.
2008 jyly AQSh prezıdenti Djordj Býsh tórt aı ishinde Er-Rııadqa eki ret barǵan edi. Kóptegen sarapshylardyń pikirinshe, osy kezeńdi atalmysh memleketterdiń arasyndaǵy dıplomatııalyq qarym-qatynastardyń sharyqtaý shyńyna jetken kezi dep baǵalaýǵa boladyi.
