Barak Obama respýblıkashyl-senatorlarǵa golften jeńilip qaldy
ASTANA. 8 mamyr. QazAqparat - AQSh Prezıdenti Barak Obama jáne onyń Senattaǵy respýblıkashyl-qarsylastary jumys máselelerin golf oınaý barysynda talqylady.
Bul týraly Aq úıdiń baspasóz qyzmetine silteme jasap Ýtro.rý habarlady.
Aq úıdiń ókili Djeı Karnıdiń aıtýynsha, oıyn barysynda Obama respýblıkashylarmen bir mámilege kelý boıynsha birqatar máselelerdi qaýzady. Atap aıtqanda, AQSh bıýdjeti talqylandy. Prezıdent bıýdjet kirisiniń kólemin arttyrý úshin birqatar salyqtyq aıla-amaldarǵa tyıym salý arqyly baılarǵa salyqtyq júktemeni arttyrýǵa tyrysýda. Respýblıkashylar bolsa, ekonomıkalyq ósimge keri áserden saqtanyp, salyqtardy kóterýge túbegeıli qarsy.
Obama ózine qarsylastar retinde tájirıbeli golfshylardy tańdady. Djordjııa shtatynan saılanǵan respýblıkashyl-senator Saksbı Shamblıss bir soqqymen dopty shuńqyrǵa dóp kirgizip, bul baǵyttaǵy mashyqtyǵyn kórsetip qaldy. Sondaı-aq Obamamen Tennessıden saılanǵan respýblıkashyl Bob Korker jáne Kolorada shtatynyń demokraty Mark Ýdall oınady. Tórt saǵattyq partııadan keıin demokrattar komandasy respýblıkashylarǵa jol berdi.
