Barak Obama prezıdenttik saılaýda jeńiske jetetindigine senimdi
ATANA. 31 shilde. QazAqparat - Barak Obama eger AQSh-taǵy prezıdenttik saılaý búgin ótse, onda respýblıkalyqtar atynan Memleket basshysy laýazymyna kandıdat bolyp tirkelgen Massachýsets shtatynyń burynǵy gýbernatory Mıtt Romnıdi jeńetindigine senimdi.
ITAR-TASS agenttiginiń habarlaýynsha, bul týraly qazirgi ákimshilik basshysy Manhettende Demokratııalyq partııanyń saılaýaldy qoryna qarjy jınaýǵa arnalǵan sharada aıtqan.
«Nomad» qonaq úıinde ótken Obamamen kezdesýge kirý bıletin 35,8 myń dollardan satyp alǵan 60 adam kelgen. Osylaısha bir mezette partııanyń saılaýaldy qoryna 2,3 mln. dollardan astam qarjy salyndy.
AQSh Prezıdenti eldegi eń iri iskerlik ortalyqtardan demeýshilik qarjy jınaýǵa shyndap kirisse, onyń basty qarsylasy Mıtt Romnı halyqaralyq bedelin kóterý úshin Ulybrıtanııa, Izraıl, Polsha memleketterin aralaýda.
Gellap qyzmetiniń zertteýlerin sáıkes, qazirgi ýaqytta Obamany da, Romnıdi de AQSh azamattary teń qoldaıdy, ıaǵnı ekeýin de jaqtaýshylar 46 paıyzdan.
