Barak Obama óz qarsylasyna «romnezııa» degen dıagnoz qoıdy
ASTANA. 21 qazan. QazAqparat - Aq úı qojaıynynyń aıtýynsha, respýblıkashylar atynan saıası dodaǵa túsetin kandıdat keıde esinen aıyrylyp, óziniń saıası ustanymdaryn aýyq-aýyq ózgertip turady.
Bul týraly Qazaqstan ulttyq arnasy habarlaıdy.
AQSh-ta prezıdenttik saılaý jaqyndaǵan saıyn, joǵary laýazymǵa úmitkerler arasynda tartys ta kúsheıe tústi. Taıaýda, qazirgi lıder Barak Obama óziniń qarsylasy Mıtt Romnıge «romnezııa» atty dıagnoz qoıdy. Vırdjınııa shtatyndaǵy ýnıversıtette sóılegen sózinde ol tipti osy aýrýdyń belgilerin de atap ótti. Aq úı qojaıynynyń aıtýynsha, respýblıkashylar atynan saıası dodaǵa túsetin kandıdat keıde esinen aıyrylyp, óziniń saıası ustanymdaryn aýyq-aýyq ózgertip turady.
Obamanyń jaqtastary onyń bul sózderin qolpashtap, dý qol soqty. Olar prezıdenttiń kózqarasyn tolyq quptap, «mundaı dertke shaldyqqan adam eldi basqarýy ekitalaı», degen sheshimge keldi.
«Saılaýǵa deıin 18 kún qalǵanda, Romnı óziniń bir jyl boıy aıtyp kele jatqan sózderinen aınyp ketti. Sizder de olardy umytady degen oıda. Áýelde ol halyqqa «men minsiz úmitkermin» degen edi, al, endi «men kimmin?» deıdi. Ol óziniń ustanymdaryn esten shyǵarǵan sekildi. Jáne, soǵan qaramastan, sizder ony qoldaısyzdar degen úmitte. Meniń baıqaǵanym, Romnı óziniń pikirin óte jıi ózgertedi. Múmkin, ol kóp alańdaıtyn bolar. Menińshe, bul «romnezııa» dep atalady», - dedi B. Obama.
