Barak Obama Nobeldik syılyǵyn kimderge úlestiretinin aıtty
ASTANA. Naýryzdyń 12-si. QazAqparat - AQSh Prezıdenti Barak Obama Nobeldik álem syılyǵynyń laýreaty retinde ózine tıesili 1 mıllıon 400 myń dollar syılyqty úlestiretin qaıyrymdylyq uıymdardyń tizimin jarııa etti,
dep habarlaıdy «Maıak» radıostansasy.
Obamanyń aıtýynsha, 250 myń dollar somany zilzaladan zardap shekken Gaıtı turǵyndaryna kómektesý úshin Obamanyń óz ótinishi boıynsha qurylǵan Býsh-Klınton qory alatyn bolady. Taǵy osynshama soma ardagerler men olardyń otbasylaryna kómektesip otyrǵan «Fısher haýz» uıymyna beriledi.
Qalǵan soma basqa da qorlar men uıymdarǵa, onyń ishinde Afrıka jáne Ortalyq Azııa elderindegi bilim baǵdarlamalaryn qoldaýshy uıymdarǵa úlestiriletin bolady.
