Barak Obama Mysyr basshysyn shuǵyl túrde bılikten ketýge shaqyrdy
ASTANA. 2 aqpan. QazAqparat - AQSh prezıdenti Barak Obama Mysyr prezıdenti Hosnı Mýbaraktyń 1 aqpan kúngi sóılegen sózine túsinikteme berdi. Associated Press agenttigine silteme jasap RBK-nyń habarlaýynsha, AQSh prezıdenti Mysyr basshysyna shuǵyl túrde bılikten ketý kerektigin aıtqan.
Sondaı-aq Obama Mýbaraktyń otstavkasyn talap etýshi Mysyr ereýilshilerine de sóz arnap, olardyń beıbit narazylyqtaryn barlyq dúnıe júzindegi adamdar estip, bólisetindikterin atap kórsetken.
AQSh prezıdentiniń aıtýynsha, Mysyr júıesindegi bıliktiń aýysýy aıqyn, beıbit bolyp, ári óte shuǵyl bastalýy qajet. Ol: "Mýbarak sheshim qabyldaǵandaı, prezıdent saılaýyn 2011 jyldyń qyrkúıeginde emes, taıaýdaǵy ýaqytta ótkizý kerek", - dep usynys jasady.
Sonymen qatar ol AQSh Mysyr basshylyǵynyń ishki isterine aralaspaıtyndyǵyn da atap aıtty.
