Barak Obama mereıtoıyn atap ótýde

dep habarlaıdy «BNews.kz» AA Firstnews.ru agenttigine silteme jasap.

Obama 50 jasqa tolǵan týǵan kúnin Aq úıde kesh ótkizip, demalys kúnderi qala syrtyndaǵy rezıdentsııasynda atap ótpek.

Beısenbiniń alǵashqy jartysyn prezıdent jumysynda ótkizip, odan keıin óz kabınetinde ótetin shaǵyn qabyldaýda ony Aq úı apparatynyń qyzmetkerleri quttyqtaıdy.

Keshke AQSh basshysy jarty ǵasyrǵa tolǵan jasyn otbasymyn jáne basym kópshiligi Chıkagodan keletin dostarymen birge atap ótpek. Obamanyń mansaptyq órleýi dál sol qaladan bastalǵan bolatyn, sondaı-aq Chıkago - onyń zaıyby Mısheldiń týǵan qalasy. Salyq tóleýshiler prezıdenttiń týǵan kúnine shyǵyndalyp áýre bolmaıdy, sebebi BAQ málimetter boıynsha, Aq úıdegi qonaqtyń shyǵynyn prezıdent otbasy óz mindetterine alyp otyr.

Demalys kúnderin Obama Kemp-Devıdtegi (Merılend shtaty) rezıdentsııasynda ótkizedi.

Obamanyń týǵan kúnine oraı eń qymbat syılyqty onyń saıası qarsylastary-respýblıkandyqtar jasady. Olar osydan birneshe kún buryn Obamanyń memlekettik qaryz shegin joǵarylatyp, sol arqyly defoltqa jol bermeý jónindegi usynysyna qoldaý kórsetken bolatyn. Prezıdent ol úshin basty syılyq osy bolǵanyn ózi de moıyndady.