Barak Obama Lıvııadaǵy AQSh kúshteri áreketiniń maqsatyn túsindirgisi keledi
ASTANA. 29 naýryz. QazAqparat - AQSh Prezıdenti Barak Obama Vashıngton ýaqyty boıynsha 28 naýryz, dúısenbi kúni keshte (Máskeý ýaqyty boıynsha 29 naýryz kúni erte tańerteń) teledıdardan sóılep,
Amerıka Qurama Shtattarynyń Lıvııadaǵy áskerı operatsııanyń maqsaty neni kózdeıtindigin túsindirgisi keldi. Obamanyń Vashıngton Ulttyq qorǵanys ýnıversıtetinde sóılegen sózi tikeleı efırde kóptegen amerıkandyq telearnalardan, sonyń úshinde CNN telearnasynan berildi, dep habarlaıdy Lenta.rý.
Obamanyń aıtýynsha, AQSh-tyń Lıvııadaǵy operatsııadan bas tartýy qazirgi jaǵdaıda «istep jatqan jumystarǵa qarama qarsy satqyndyq bolar edi». "Keıbir memleketter basqa elde bolyp jatqan aıýandyq áreketterge kózdi juma qaraýda. Alaıda Amerıka Qurama Shtaty olaı ete almaıdy", - dep málimdedi Obama.
- Koalıtsııanyń Lıvııadaǵy halyqaralyq is-áreketi, - dedi AQSh prezıdenti, - barlyq aımaqqa qaýip tóndiretin qantógisti toqtatty. Sonymen qatar Obama lıvııalyq kóshbasshy Mýammar Kaddafıdi taǵynan áskerı jolmen tóńkerip tastaý, «qymbatqa túsetin qatelik bolar edi», dep atap kórsetti. AQSh Prezıdenti Iraktaǵy «bılik aýysýynyń segiz jylǵa sozylyp, qanshama myńdaǵan adamdardyń ómiri qıylyp, trıllonǵa tarta dollar ketkenin» eske saldy. "Biz mundaıdyń Lıvııada qaıtalanýyna jol bere almaımyz", - dep málimdedi ol.
