Barak Obama Qytaıdaǵy ATEY sammıtine qatysady

Mundaı málimdemeni AQSh prezıdentiniń ulttyq qaýipsizdik jónindegi kómekshisi Sıýzan Raıspen kelissózder nátıjesi boıynsha QHR Memlekettik keńesiniń múshesi ıAn Tszechı jasady.

ATEY múshe elderdiń beıresmı sammıtterine eki jyl qatysa almaǵan AQSh prezıdenti Beıjiń mańyndaǵy Hýaıchjoý ýezinde ótetin iri halyqaralyq forýmǵa qatysatynyn rastady. S.Raıs habarlaǵandaı, Barak Obama Qytaıǵa baratyn osy sapary ekijaqty qarym-qatynastardy damytý úrdisinde mańyzdy qadam bolatynyna senimdi. Eske sala keteıik, 2012 jyly Aq úı basshysy AQSh-taǵy saılaýaldy ishki saıası oqıǵalardyń saldarynan Vladıvostokta (Reseı) ótken ATEY sammıtine qatysa almady. 2013 jyly AQSh prezıdenti eldegi bıýdjettik problemalarǵa baılanysty Balıde (Indonezııa) ótken ATEY kezekti otyrysyna bara almady. S.Raıs Qytaımen qarym-qatynastar basym baǵyttardyń birine jatatynyn, amerıkalyq tarap Qytaı men AQSh arasyndaǵy iri derjavalyq qarym-qatynastardyń jańa úlgisin jasaýǵa kúsh salýǵa nıetti ekenin atap ótti. «Bul AQSh pen Qytaıdyń, sondaı-aq halyqaralyq qoǵamdastyqtyń múddelerine saı keledi», - dep málim etti ol. Kelissózder barysynda taraptar qazirgi halyqaralyq ahýal jaıynda pikir almasty. Onyń ishinde QHDR men Irannyń ıadrolyq problemalary, Aýǵanstan men Orta Shyǵys máseleleri sóz boldy. ATEY - Azııa-Tynyq muhıt aımaǵynda ekonomıkalyq ósimge, yntymaqtastyqqa, saýdaǵa, ınvestıtsııalarǵa járdemdesý úshin 1989 jyly qurylǵan memleketaralyq forým. ATEY-ǵa 21 el men aýmaq qatysady. Onyń úlesine álemdik ІJÓ-niń 54 paıyzǵa jýyǵy, halyqaralyq saýda-sattyq aınalymynyń 44 paıyzy, tikeleı sheteldik ınvestıtsııalardyń 40 paıyzdan astamy jáne álem halqynyń 40 paıyzǵa jýyǵy keledi. Sonymen qatar Mońǵolııa forýmnyń turaqty múshesi retinde qabyldanady dep kútilýde. Mońǵolııa prezıdenti formýǵa qatysýǵa Beıjińge shaqyryldy.