Barak Obama kortejiniń mototsıklshisin kólik qaǵyp ketti
ASTANA. 10 qyrkúıek. QazAqparat - AQSh-ta prezıdenttik kortej sherýiniń qatysýymen kólik apaty boldy. Sonyń saldarynan Barak Obamamen saılaý aldyndaǵy saparda birge erip júrgen mototsıklshi qaza tapty.
Kólik apaty 9 qyrkúıek kúni jergilikti ýaqyt boıynsha saǵat 16:45-te Florıda shtatyndaǵy Palm-Bıch okrýginde oryn aldy. Oǵan B.Obama óziniń saılaýaldy naýqanynyń aldynda sapar jasaǵan edi. Okrýgtegi polıtsııa ofıtseri Brıýs Lorent І-95 tas jolymen ótken prezıdenttiń saltanatty sherýiniń quramynda júrgende ony pıkap Ford F-150 qaǵyp ketti.
«Obama apatty kórgen joq, sebebi mototsıkl kólikter leginiń eń basynda kele jatqan. Biraq ol «jedel járdem» kelgenshe mototsıkldiń qasynda jatqan zardap shegýshiniń denesin kórdi», - dep baıandady Aq úıdiń baspasóz hatshysy Djeı Karnı Obamanyń Vashıngtonǵa oralǵannan keıin shamamen úsh saǵattan soń.
