Barak Obama qarjygerlerdi tabysyn kedeılermen bólisýge shaqyrdy
ASTANA. QazAqparat - AQSh Prezıdenti Barak Obama eldegi kedeılikpen kúresý úshin Amerıkanyń baı turǵyndaryn salyqtan jaltarmaýǵa shaqyrdy.
Bı-Bı-Sı tilshisiniń aıtýynsha, Vashıngtondaǵy Djordjtaýn ýnıversıtetinde ótken kedeılikpen kúres taqyrybyndaǵy sammıtte sóılegen sózin Obama aldyn ala daıyndamaǵan, sol jerde aıtylǵan málimdeme. Jıynda Obama hedj-qordyń basshylary sekildi iri baılardy lotoreıa jeńimpazdary, ómirde joly bolyp ketkender dep atady. Onyń aıtýynsha, AQSh-tyń 25 qarjy menedjeriniń jalaqysy eldegi búkil balabaqsha tárıbeshileriniń jalaqysyna teń bolýy - ádiletsizdik. BAQ ókilderiniń baǵalaýynsha, Obamanyń 2016 jylǵy saılaý naýqanynyń taqyryby osy tabys, jalaqy teńsizdigi bolmaq.
