Barak Obama elektromobılder úshin batareıa jasaıtyn zaýyttyń irgetasyn qalaıdy
ASTANA. Shildeniń 15-i. QazAqparat - Ekonomıkany basqarý ádisi synnyń jańa tolqynyna ushyraǵan AQSh prezıdenti Barak Obama beısenbide elektromobılder úshin elektr batareıalaryn shyǵarý jónindegi sektordy ınvestıtsııalaýdy qoldap sóz sóılemek, dep jazady «EnergoNıýs» portaly.
Obama Chevrolet jáne Ford elektr avtomobılderi úshin batareıa shyǵaratyn zaýyttyń irgetasyn qalaý saltanatyna qatysady. Ótken jyldyń tamyzynda Obama jarııa etkennen keıingi, atalmysh salaǵa baǵyttalǵan 2,4 mlrd. dollarlyq baǵdarlamadan soń bul Mıchıgan shtatyndaǵy toǵyzynshy zaýyt bolyp sanalady.
Beısenbi kúni jarııalanatyn AQSh energetıka mınıstriniń baıandamasynda atalǵan ınvestıtsııa AQSh-tyń aldyńǵy qatardaǵy elektr akkýmýlıatory rynogyndaǵy úlesin 2015 jylǵa deıin 2%-dan 40%-ǵa deıin kóteredi jáne elde jańa jumys oryndarynyń ashylýyna múmkindik bermek.
