Barak Obama bir meımanhanada jalǵyz ózi turmaq
ASTANA. Qazannyń 29-y. QazAqparat - Qarasha aıyna josparlanǵan óziniń Úndistanǵa sapary barysynda AQSh prezıdenti eń sándi Taj Mahal Palace meımanhanasynda toqtap, onda jalǵyz ózi turatyn bolady.
Pravda. Rý saıty habarlap otyrǵandaı, Barak Obama úshin meımanhananyń barlyq 560 bólmesi ǵana emes, banket zaldary men meıramhanalary da brondalyp qoıylǵan. Osy arqyly amerıkandyq bılik ókilderi prezıdent pen barlyq amerıkandyq delegatsııanyń qaýipsizdigin qamtamasyz etpek.
Eske sala ketsek, 2008 jyly meımanhana iri lańkestik áreket saldarynan qatty zardap shekti. 4 lańkes jaýynger Taj Mahal Palace meımanhanasyna basyp kirip, 31 adamdy, onyń ishinde 12 qyzmetkerdi óltirdi. Kóne ǵımaratty lańkesterden tazartý operatsııasy bir táýlikke sozylyp, sonyń saldarynan onyń kóptegen jeri búlindi. Ol oqıǵa kezinde qaza tapqandardyń jalpy sany 166 adamdy qurady, 300-deı adam túrli dene jaraqattaryn aldy.
