Barak Obama AQSh zańdaryndaǵy záńgi sózin alyp tastady
ASTANA. QazAqparat - AQSh Prezıdenti Barak Obama Federaldyq zańnamada «az ulttarǵa til tıgizetin sózderdi», atap ótkende, «shyǵystyq», «záńgi (negr)», «ıspantildi» jáne taǵy basqa sózderdi joıatyn zańǵa qol qoıdy, dep habarlady «ABC News».
Bul AQSh-tyń Densaýlyq saqtaý mınıstrligi men Áleýmettik qyzmet qujattarynda kezdesken saıası qatelikten týyndaǵan zań mátinderindegi sózderden arylý úshin qabyldanyp otyr.
-«Shyǵystyq» túsinigine federaldyq zańnamada oryn joq, bul kemsitýshilik baǵytyndaǵy ataý aqyry tarıhqa ketetini jaqsy boldy, - dedi zań jobasy avtorlarynyń biri.
Aqpanda zań jobasyn AQSh kásipkerler palatasy maquldaǵan bolatyn. 10 mamyr kúni oǵan senat biraýyzdan daýys berdi. Prezıdent qol qoıǵan sátten bastap akti zańdyq kúshine enedi.
